Asian Development Bank Nukung Gubernur Bali Wayan Koster Nangian Awig Clean Energy
- 13 Februari 2020
- 04:02 WITA
- News
Balitopnews.com, DENPASAR – Upanaya Gubernur Bali nangian awig Bali Celan Energy ngamolihan respon positif saking Asian Development Bank (ABD). Indik punika kabaosan olih Mr. Florian Kitt Energy Specialist, Energy Division, Southeast Asia Department, Asian Development Bank (ADB) duk audensi sareng Gubernur Bali Wayan Koster ring rumah dinas Gubernur Bali, Jaya Sabha, Denpasar, Wrespati (13 Februari 2020).
Tiosan ngicen apresiasi becik, ADB taler ngicen wantuan teknis Program Clean & Sustainable Energy sane pacang kaicen majeng Pemerintah Provinsi Bali.
Gubernur Bali Wayan Koster nyanggra becik wantuan puniki santukan seiring sareng Visi Pemerintah Provinsi Bali "Nangun Sat Kerthi Loka Bali". Napi malih mangkin sampun kamedalan awig-awig indik energi luirne Peraturan Gubernur (Pergub) Nomor 45 warsa 2019 indik Bali Energi Bersih miwah Pergub Nomor 48 warsa 2019 indik Penggunaan Kendaraan Bermotor Listrik Berbasis Baterai.
“Mangkin titiang nedeng nata pembangunan Bali manut visi Nangun Sat Kerthi Loka Bali. Ngalestarian kesucian lan kasukertha palemahan Bali miwah sedagingnyane. Pmbangunanne patut adung sareng palemahan, munggahan nilai-nilai kearifan lokal,” teges Koster.
Dane maosan, ngawit saking visi Nangun Sat Kerthi Loka Bali pemerintah provinsi Bali meled nangian pelemahan sane resik lan adung dadosne palemahan patutne resik, angin taler patut resik.
”Munggwing asapunika iraga ngemargian awig Bali energi resik lan mandiri energi,” baos Koster.
Kategesan, ring konteks mandiri energi, Bali patut ngewangun pembangkit tenaga listrik ngeraga kaanggen newek minakadi anggen ring domestik (krama Bali) lan ngedukung industri jasa pariwisata.
“Puniki nedeng titiang adungan awigne sareng pemerintah pusat. Titiang nunusa dukungan Bappenas. Titiang nunas pembangkit listrik ring Bali nenten malih dados ngangge batubara, janten patut adung sareng palemaham,” Koster ngawewehin.
Dane nguningan, penganggen energi pacang nincap seiring kemargiang awig penganggen kendaraan listrik lan pungkuran penganggen energi olih krama pacang kaenteran becik ring sarana transportasi mangda obah saking dari kendaraan nganggen bahan bakar minyak nganggen kendaraan listrik mebasis baterai.
Tiosan raris Florian Kitt maosan dane pastika ngedukung parilaksana saking awig clean energy sane kaduwenan Bali.
“Mantuke punika titiang nunas pangarestiti saking Gubernur Bali mangda ngewantu Bali ring program energi efisiensi inggih punika lampu penerangan jalan umum (PJU) sane konvensional dados sane teet,” ucap dane.
Energi efisiensi pinaka pemargi anggen ngirangin emisi. Penganggen teknologi sane teet taler presida ngirangin abot APBD, santukan kawentenan pengirangan konsumsi listrik. (Balitopnews.com/md/rls)
Komentar