Nambakin Malih Metunyane Insiden, Pemprov Bali Ngelingang Perda Larangan Menaikkan Layangan ring Wewidangan Bandara
Minggu, 21 Juli 2024
DENPASAR,Balitopnews.com - Sekretaris Daerah Provinsi Bali Dewa Made Indra mawali mapakeling indik kawentenan Peraturan Daerah Provinsi Bali Nomor 9 Tahun 2000 indik Larangan Menaikkan Layang-Layang dan Permainan Sejenis ring Bandar Udara Ngurah Rai dan Sekitarnya. Indike puniki kasobiahang ring Denpasar, Sukra (19 Juli 2024) ) sore santukan wenten gatra helikopter sane ulung katarka santukan keni tali layang-layang.
Dewa Made Indra maosang sajeroning Perda No. 9 Tahun 2000 Pasal 2 ayat 1 nlatarang larangan menaikkan layang-layang dan permainan sejenis di wilayah dalam radius 5 mil laut atau 9 kilometer dari Bandar Udara. Salanturnyane ring ayat 2 kabaosang dilarang menaikkan layang-layang dan permainan sejenis di wilayah di antara radius 5 mil laut atau 9 kilometer sampai dengan 10 mil laut atau 18 kilometer dengan ketinggian melebihi 100 meter atau 300 kaki. “Sajeroning ayat 3 nlatarang Dilarang menaikkan layang-layang dan permainan sejenis di wilayah di antara radius 10 mil laut atau 18 kilometer sampai dengan 30 mil laut atau 54 kilometer dengan ketinggian melebihi 300 meter atau 1000 kaki.
Sekda Dewa Indra ngaptiang krama Bali mangda cumpu lan satinut ring peraturan puniki. Dane ngwewehin pamargin peraturan puniki patut kamargiang antuk manah wicaksana pinaka utsaha nyaga katreptian penerbangan miwah ruang udara ring Bali. “Samaliha Bali pinaka daerah pariwisata, puniki mabuat pisan majeng ring padewekan iraga pinaka masyarakat nyaga katreptian miwah kenyamanan wisatawan sane malilacita ring Bali,” paweweh dane.
Manut dane, yening peraturan puniki kapurug jagi ngawinang kaon makasamian angga inggian punika sane nunjuk layangan wiadin makasami krama Bali. “Ipun sane nunjuk prasida keni hukuman pidana, bilih-bilih yening ngawinang biuta prasida ngawinang kaon makasami,” baos dane malih.
Inggian sanksi pidana manut Pasal 8 (1) kasobyahang Barang siapa yang melanggar ketentuan dalam Pasal 2 dan 6 Peraturan Daerah ini, diancam pidana kurungan selama-lamanya 3 (tiga) bulan atau denda sebanyak-banyaknya Rp. 5.000.000 (lima juta rupiah). (Rls/Btnc)
Komentar