Pemerintah Provinsi Bali Molihang Penghargaan JDIH Terbaik Nasional 2024
Kamis, 22 Agustus 2024
JAKARTA,Balitopnews.com - Pemerintah Provinsi Bali molihang penghargaan pinaka Pengelola Jaringan Dokumentasi dan Informasi Hukum (JDIH) Terbaik Tingkat Nasional 2024. Penghargaan puniki kaicen olih Badan Pembinaan Hukum Nasional Kementerian Hukum dan HAM RI sajeroning acara resmi ring Aston Kartika Grogol Hotel & Conference Center, Jakarta, rahina Wrespati (22 Agustus 2024) .
Penghargaan kaicen olih Kepala Badan Pembinaan Hukum Nasional, Prof. Widodo Ekatjahjana majeng Penjabat Gubernur Bali sane kaangganin Kepala Biro Hukum Setda Provinsi Bali, Ida Bagus Gede Sudarsana.
Rikala Pertemuan Nasional Pengelola JDIH Warsa 2024, Provinsi Bali prasida dados adi jayanti, ngasorang provinsi-provinsi tios ring Indonesia. Sadurungnyane, warsa 2023, Bali Bali polih undagan ka ping kalih asional. Tiosan Provinsi Bali, Pemerintah Kota Denpasar taler molihang penghargaan pinaka Pengelola JDIH Terbaik Tingkat Kota se-Indonesia. Universitas Bali Dwipa taler sareng polih penghargaan pinaka Perguruan Tinggi Swasta ring Bali sane prasida terintegrasi antuk situs JDIHN (jdihn.go.id).
Kepala Biro Hukum Setda Provinsi Bali Ida Bagus Gede Sudarsana, ngangganin Pj. Gubernur Bali, maosang penghargaan puniki pinaka wentuk apresiasi majeng komitmen Pemprov Bali sajeroning nincapang aksesibilitas miwah momot dokumentasi hukum.
"Penghargaan puniki negesang komitmen titiang nincapang pendokumentasian produk hukum miwah ngicen pamargi sane becik majeng masyarakat," tinas dane.
Samalihnyane, Prof. Widodo Ekatjahjana maosang pangaptin dane mangda penghargaan puniki dados motivasi majeng anggota JDIHN tiosan sajeroning nincapang pengelolaan JDIH nganutin standar ring PermenkumHAM No. 8 Tahun 2019. Dane taler nyokong inovasi sajeroning pelayanan publik, utaminyane sajeroning penyebaran dokumen miwah informasi hukum majeng masyarakat.
Pertemuan Nasional Pengelola JDIH Tahun 2024 ngunggahang patitis "JDIHN Berkualitas, Meningkatkan Literasi dan Kepatuhan Hukum" sane karauhin olih pengelola JDIH saking makudang instansi, saking kementerian, lembaga negara, pemerintah daerah, miwah perguruan tinggi.(Rls/Btnc)
Komentar