Purnama Sasih Kalima, Pujawli ring Dinas Kominfo Tabanan

Selasa, 12 November 2019

<p style="text-align: justify;"> &nbsp;</p> <p style="text-align: justify;"> Balitopnews.com.Tabanan</p> <p style="text-align: justify;"> Nemonin Rainan Jagat Purnama Sasih Kalima,&nbsp; Rahina Anggara (12/11), kemargiang Pujawali utawi piodalan ring Padmasana,&nbsp; Kantor Dinas Kounikasi dan Informatika (Kominfo) Kabupaten Tabanan, sane magenah ring wewidangan kantor inucap.</p> <p style="text-align: justify;"> Ilen upacara piodalan sane keanteb olih Jro Pemangku Kahyangan Puseh saking Desa Adat Serampingan Seltim punika,&nbsp; siosan kerauhin olih Manggala Dinas Kominfo Kabupaten Tabanan I Putu Dian Setiawan sane Kedampingan Sekretaris Dinas I Wayan Suradigama,&nbsp; taler kerauhin makasami manggala lan staf ring wewidangan dinas inucap.</p> <p style="text-align: justify;"> Upacara sane sampun ketakiang ngawit Rahina Soma rahina dibi punika,&nbsp; kekawitin antuk ngemargiang prayascita beakaonan,&nbsp; caru,&nbsp; lan sapailen pujawali.&nbsp; Pinaka pengrenteb pujawali taler kasolahang igel-igelan &quot;pendet crorot&quot; sane wantah pendet sakral sasolahan ring Kahyangan Luhur Batukaru.&nbsp; Pinaka unteng piodalan/pujawali, kemargiang pamuspan sinarengan ngangge panca sembah,&nbsp; sane keriinin antuk nguncarang Puja Tri Sandya.</p> <p style="text-align: justify;"> Manggala Dinas Kominfo Kabupaten Tabanan I Putu Dian Setiawan,&nbsp; ring galah becik punika mawosang, rumasa dahat gargita lan angayubagia,&nbsp; duaning ilen metaki taki lan unteng piodalan ring padmasana kantor inucap sampun sida memargi antar nenten wenten kirang utawi kapiambeng.&nbsp; Dane ngaptiang,&nbsp; dumogi sangkaning ngemargiang pujawali punika,&nbsp; makasami sida ngamolihang kerahayuan lan kerahajengan.</p> <p style="text-align: justify;"> Putu Dian Setiawan taler ngaptiang,&nbsp; mangda selanturnyane,&nbsp; makasami manggala lan staf Kantor&nbsp; Dinas Kominfo inucap,&nbsp; sida nincapang rasa pasemetonan lan penyamabrayaan&nbsp; manggdane napi sane pinaka swadarmaning kawentenan&nbsp; Kantor Dinas Kominfo sida memargi becik lan antar. (Balitopnews.com / vodoo).</p> <p style="text-align: justify;"> &nbsp;</p>

• TAGS: