Sekda Dewa Made Indra Ngrauhin Apel Gelar Pasukan Operasi Puri Agung
Rabu, 15 Mei 2024
DENPASAR,Balitopnews.com - Sekretaris Daerah (Sekda) Provinsi Bali Dewa Made Indra ngangganin linggih Pj. Gubernur Bali ngrauhin Apel Gelar Pasukan Operasi Puri Agung magenah ring Lapangan Puputan Margarana Niti Mandala Renon, Denpasar, Buda (15 Mei 2024)
Operasi puniki kalaksanayang sajeroning nyanggra pamargin World Water Forum (WWF) kaping-10 ring Bali tanggal 18-25 Mei 2024.
Sajeroning pawarah sane kawacen olih Pangkogabwilhan II Marsekal Madya TNI M. Khairil Lubis pinaka Pimpinan Apel, Panglima TNI Jenderal Agus Subiyanto maosang Indonesia pinaka agen perubahan sajeroning nguningayang solusi inovatif miwah nglantur indik tantangan air ring tingkat global, regional miwah global.
"Iraga sapatutnyane bangga ngamolihang kepercayaan internasional dados tuan rumah, duaning asapunika parikrama puniki sapatutnyane mamargi antar tur trepti. Mangda sida sakadi napi sane kaaptiang, janten patutnyane kasokong antuk pengamanan sane prima ya ta keamanan ring margi, genah acara, penginapan miwah ring genah tiosan sane jagi karauhin olih para tamiu negarane,” baos Panglima sajeroning pawarah punika.
Salanturnyane, Panglima Agus Subiyanto maosang langkungan saking 14.000 personil gabungan inggian punika prajurit TNI wiadin anggota Polri, taler kasokong antuk instansi pemerintah sane mapaiketan ring utsaha pengamanan puniki.
"Pastika matetujon mangda prasida nepasin sakancan baya. Punika mawinan personil patut uning ring peran fungsi miwah amongan soang-soang. Personil patut urati ring panglimbak situasi miwah sayaga nepasin sakancan baya sane metu. Cihnayang integritas miwah sinergitas pantaraning instansi, antuk ngutamayang mangda swadarma mamargi antar sidaning don. Mangkin martabat negara sane kaetohang," pangarsan Panglima.
Kapolri taler maosang parindikan sane pateh, sajeeoning pawarah sane kawacen Pimpinan Apel Kabaharkam POLRI, Komjen Pol. Dr. H. Mohammad Fadil Imran M.Si, parindikan perubahan iklim ngawinang iraga meweh polih toya sane becik. Punika mawinan sajeroning pabuat toya sane nincap sairing ring pertumbuhan penduduk miwah industri, kawentenan sumber daya air pinaka parindika sane kauratiang olih dunia.
"Kapikamkamin olih World Water Council, WWF dados eedan pertemuan internasional utawi pasamuhan agung sane maosang indik toya miwah pengelolaan sumber daya alam. Mawiann iraga patut ngamanang makasami eedan parikrama puniki," baos Kapolri.
Komjen Fadil nuturang, 43 kepala negara kabaosang pacang rauh ring WWF. Tioas punika, wenten 4 organisasi nasional miwah 194 menteri negara, taler perwakilan Kabinet Indonesia Maju.
Dane nlatarang "TNI sampun ngwentuk komando gabungan terpadu VVIP, titiang ring Polri ngwentuk Operasi Kepolisian Terpusat antuk sandi Puri Agung 2024 jaga ngamanang tamu VVIP sane masikian sareng Paspampres miwah tamu VVIP.(Rls/Btnc)
Komentar