BaliTopNews - Journalists never die

Alamat Redaksi : Jalan Beji nomor 1, Banjar Bongan Gede, Desa Bongan, Kecamatan Tabanan, Kabupaten Tabanan, Bali

Call:088977952703

[email protected]

Pj. Gubernur Bali S.M. Mahendra Jaya Ngaptiang Event Culture Run Dados Program Berkelanjutan

Minggu, 07 Juli 2024

BaliTopNews - Journalists never die

BADUNG,Balitopnews.com - Pj. Gubernur Bali S.M. Mahendra Jaya mungkah event Culture Run kategori 10 km mapaiketan antuk HUT kaping-62 PT. Bank BPD Bali. Dane ngaptiang parikrama puniki dados silih tunggil program berkelanjutan sane kalaksanayang ring warsa sane jagi rauh. Indike puniki kasobyahang ring ajeng pamilet Culture Run, ring Pantai Pandawa, Badung, Redite (7 Juli 2024) 

 

"Titiang mapangapti Parikrama sport tourism sakadi puniki dados kalender tetep event pariwisata Bali, mangda prasida nudut manah wisatawan ngrauhin miwah nguningin Bali sayan akeh tur nyansan teleb malih” baos dane.

 

Parikrama sane nyikiang sport, budaya miwah rekreasi kaasrian jagat sane ngranjing ring kearifan lokal puniki dahat menginspirasi, bilih-bilih penggemar sport tourism yukti akeh pisan nyantos kawilangin ribuan pamilet. 

 

Culture Run 2024, event sane kalaksanayang olih Vinda Creative Event, ngiringang runners lari nglintangin kaasrian pasisi Pantai Pandawa sane dohnyane 5K miwah 10K. Acara puniki matetujon nyaga kalestarian jagat miwah nyokong inisiatif "zero emission" ring Bali antuk tema “Steps of Goodness for the future!”

 

Tiosan ring Pj. Gubernur Bali, S.M. Mahendra Jaya miwah Ketua TP PKK Provinsi Bali, Ny. drg. Ida Mahendra Jaya, taler kapanggih Sekretaris Daerah Provinsi Bali, Dewa Made Indra miwah rabin dane, taler Kepala Perangkat Daerah Provinsi Bali kasarengin antuk staf sane nyarengin Culture Run kategori 5 km.

 

Kantun ring genah miwah acarane punika, Pj. Gubernur Bali, S.M. Mahendra Jaya kasarengin antuk Pj. Ketua Tim Penggerak PKK Provinsi Bali, Ny. drg. Ida Mahendra Jaya taler makudang Kepala Perangkat Daerah nyarengin parikrama nandur terumbu karang ring pasisi sagarane.(Rls/Btnc)


Komentar

Berita Terbaru







Terpopuler