Sekda Dewa Indra Mikelingin ASN miwah Non ASN Jaga Diri miwah ‘Jaga Jari’ Salami Pilkada Serentak
Kamis, 22 Agustus 2024
DENPASAR,Balitopnews.com -Sekretaris Daerah Provinsi Bali, Dewa Made Indra, negesang mabuatnyane netralitas ASN miwah non ASN nyanggra Pilkada Serentak, sane pacang ngranjing ring fase pendaftaran miwah penetapan bakal calon panguntat Agustus puniki. "Iraga sareng sami maderbe hak pilih, nanging wantah kaanggen rikala 27 November 2024 ring tempat pemungutan suara. Tios punika, nenten kalugra.
Indikr puniki patut kauningin mangda birokrasi prasida ngamargiang pelayanan publik sane adil miwah fair," baos Dewa Indra rikala Sosialisasi Netralitas Pilkada Serentak ring Wiswa Sabha Utama, Kantor Gubernur Bali, Rabu (21 Agustus 2024) siang.
Dewa Indra taler negesang ketidaknetralan sajeroning Pilkada Serentak prasida ngawinang konflik kepentingan sane prasida ngulgul pelayanan publik miwah natunin demokrasi. "Netralitas ASN mabuat sajeroning mastikayang nenten wenten migunayang fasilitas negara sajeroning nyokong peserta pemilu tertentu. Pelanggaran netralitas pacang natunin miwah nedunang legitimasi peserta Pilkada," tegesdane.
Sekda Dewa Indra taler mikelingin mangda nyaga 'jari' salami masa Pilkada, utaminyane nganggen media sosial. "Program miwah kapatutan Paslon pastika pacang akeh munggah ring media sosial, mawinan titiang nunas nginggilang literasi digital. Nenten ngawag ngeshare, becikan wacen riin. Sampunang berkomentar, santukam jejak digital dangan pisan kalacak," baos dane.
Dane taler ngaptiang ASN non ASN, nyantos tingkat desa miwah sekolah, mangda nenten sareng ring politik praktis, sakadi simpatisan calon, ngwantu kampanye, utawi nyokong paslon tertentu. "Birokrasi miwah Pemprov Bali patut kajaga keinggilannyane. Jaga dirin iragane mangda tetep netral miwah berkontribusi sajeroning proses demokrasi," paweweh dane.
Ketua Bawaslu Provinsi Bali, I Putu Agus Tirta Suguna, nyuksemayang situasi aman terkendali salami Pilpres 2024 ring wawidangan Pemprov Bali. "Apresiasi majeng ASN, kepala OPD, miwah jajaran sane sukses ngawinang pemilu antar. Bali wantah daerah sanen nenten wentene sengketa hasil pemilu nyantos ka MK," baos dane.
Suguna ngaptiang Bali prasida nyaga situasi kondusif Pilkada Serentak puniki, miwah makarya mitigasi inggian potensi pelanggaran netralitas ASN, utaminyane rikala pendaftaran miwah penetapan bakal calon tanggal 22 September 2024, miwah masa kampanye sane kakawitin tigang rahina sasampunnyane.
Suguna mikelingin indik ancaman pidana majeng ASN sanen nenten netral, nganutin Pasal 188 UU Pemilihan (UU 1/2015 jo. UU 8/2015 jo. UU 10/2016 jo. UU 6/2020), dengan ancaman penjara minimal satu bulan hingga enam bulan, dan/atau denda Rp600.000 hingga Rp6.000.000.
"Dumogi makasi ASN miwah non ASN ring Pemprov Bali prasida nyaga diri, keluarga, miwah 'jari', saha nyaga marwah Pemerintah Provinsi Bali. Dumogi puniki prasida dados sepat siku siku iraga sareng sami," tinas dane.
Sosialisasi Netralitas ASN miwah Non ASN nyanggra Pilkada Serentak 2024 puniki kamargiang daring miwah luring, nyarengang makasami pegawai ASN miwah non ASN ring wawidangan Pemprov Bali. Acara puniki kakwitin antuk ngawen pembacaan ikrar netralitas ASN sane kaenterang olih Kepala Inspektorat Provinsi Bali, I Wayan Sugiada, saha kasarengin makasamian pamilet.(Rls/Btnc)
Komentar